حيل أحبك … زود عن العادة

حيل أحبك .. أحضنيني بزيادة

ضمّيني .. و ابكي .. وبكّيني

قولي .. بعد أحبك ….

ولا اقدر .. على بعدك ..

دقيقه .!!..

وش فيني !! .. أرتجف

غريبه ..

حضنك اللي ما ينوصف

صِرت أوصِفه ..

صار بارد ..

جامد .. هامد

غير عن العادة

صِرت  أضم ابقوتي

كِنت .. أبي تحس .. ابمحبتي

بِكيت .. قِلت يمكن .. تِمْسح دمعتي

غريبه …

كل شي فيها  ..

جامد … هامد

غير عن العاده

قلت .. خلني أغني

يمكن .. تغني

وين الصوت ؟!

اسمع سكوت  !

قلت .. خلني أناظر شفاها

يمكن .. بالخجل اتردد غناها

غريبه ..

كل شي فيها ..

جامد .. هامد

غير عن العاده

مسكت بيِدي على قلبي  الهايم ..

فتحت عيني ..

للأسف  …. كنت نايم

وغيييير عن العاده

كانت هاذي … الوســـــادة

هناك حالة واحدة فقط تعبر عن مدى ( العمق في الانهيار ) …

عندما تتحد كل أحاسيسك لتصرخ قبل أن تنهار لتقول كلمتين فقط …

( تكفى لا تتركني )

اسابق الوقت . ابي الحق اقول .. اعشق جنونك

اسابق الوقت .. وانا في نفسي .. ارسم غصونك

ارسم جذوع الغلى .. والحب .. وارسم عيونك

ارسم بسمة محياك .. ونبض قلبي .. لا اغمضت (اجفونك

مسكت الدفتر !! .. ابي اسطّر .. نبض حبي

لقيتني اكتب .. واكتب ..واكتب حتى غفى جفني

ونمت .. وحلمت اني التقيتك .. اسولف لك على عشقي

واحكيلك عن نظراتي الخجوله .. ايام الطفوله

وكيف كنت انتظر .. اسمي .. يومن تقوله

وكانت هاذي متعتي .. رغم اني ويا المسا أشكي دمعتي

بس كنت اقول .. شاللي أقوله !!

وليش بس لهفتي ..

وانتا اللي بالفكر مرتقي

وتنظر للحب .. نزوه او ميوله

واللي يشتكي .. وهمه يشتكي

و ما كنت تدري انا اللي في قلبي

ما ينفهم .. وصعب اني اقوله

او اشرحه غير اني باقي(ن) ملتزم

بوعدن وعدته نفسي من ايام الطفوله

اني اكون أعمى .. لغير نظراتك الخجوله

و اني اكون ابكم .. يوم تنطق اسمي وتقوله

واني اكون اصم .. ماسمع غيرك .. ولااا اهتم

صرخت من قلبي .. هذااااااااا حبي

ما تلفلت ولا حتى انتظرت …

صرت اجري .. ودمعي يسبقني ..

ابي اضمك .. اشمك .. قبل لا تروح

يمكن بهالضمة امووت .. وترتاح هالجروح

ضاع الصوووت .. وانا اقول تتركني .. بهالسهوله

تعثرت .. وطحت .. احاول الحق سرابك

بس اختفيت عن عيني .. وابتدت لحظات غيابك

وعيت .. اني باقين في حلمي

تذكرت اني باقي(ن) نايم .. واني في العشق هايم .. واني

انسج الجفا بخيوط الأمل .. واتركها تغني

ما توادعنا في حلمي .. اه ياقهر

بس تذكرت اني في الحقيقه .. ودعتك من شهر

كان اللقا مع الاحباب

بس كان الدمع منهمر

كلن ينوح ويبكي .. عن الدنيا غاااب غاااب

واخذ معاه اقلوبنا طول العمر

وادعو له بالرحمه ياجماعه .. يمكن اليوم .. هالوقت مستجاب

رحنا .. ودفنّا .. وغابت الاصوات

الا صوت واحد بقى ..

مثل هاليوم .. حبيبك ماااات

شفت يا حلمي .. هذا الواقع

من راح .. وانا اشكي المدامع

اروح البحر .. يمكن للأمل يعلمني

يا حلمي .. تكفى من النوم لا تقومني

خليني انتظر .. يمكن يرجع .. يكلمني

مرت الايام  حتى السنه .. وانا في حلمي

باقين انتظر .. يمكن تكتمل .. قصة حبيب ومحبوبه

و حتى يرجع حبيبي ..حلفت اني  ما اقوم من نومي

اسمع اصوات حولي .. مسكين له سنة بغيبوبة

تبسمت .. وهمست لنفسي

لو العمر كله .. انتظر .. ما اوفي واحد من عيوبه

يوم كانت أيام .. رسمت فيها أحلام

رسمت حبي .. وحبك

رسمت دمعك على الماضي

وقلت … كانو مجرد أوهام

اسمع نبض قلبي .. اسمع حبك

لا تخلي الندم .. لروحك قاضي

ورح نحقق سوا ذيك الأحلام

تصحى على الحب ..

وعليه تغفى وتنام ..

بس آه يا قلب

كانت مجرد أحلام

وصحيت على واقع مرير

بعد ما جددت آمالي

ورسمت النور بين الظلام

لقيت نفسي ضرير

يا زمن قلي شاللي يصير

تعبت أوفي بزمن

حبل الكذب فيه قصير

خليتني أدفع ثمن

ورحلت وانتا تعاتب ..

منك التقصير !!

والله علي من فووق شاهد

ما قصرت بغلاك

بحق دموع الغلى

وغصاتي ويا الزفير

بس كان الفرق واحد

يوم انك تدور عذر .. وتغيب

وتترك وراك واحد

أصبح بحبك أسير

وهذا أنا بعدك

مثل ما كنت قبلك

مجرد ركام للمشاعر

ومشكوور .. زدتها علي بلا ضمير

أبا اهديلك بس .. بقايا الشعور

بقايا حبي .. بقايا قلبي

بقايا الطعون .. وذيك الشجون

لك .. وللذكرى .. يوم ترد لك عيون

لو يتركني هذا الصدى

تعبت اصرخه صمتي

تعبت اشكيه المدى

تعبت النوح .. وأطلال الجروح

تعبت روحي

أشكي الذل من نفسي وفيني

أشكي الدمعه عيت تواسيني

اه يا ظلم الزمن

ترتكبني جريمة

وتعتبرني ثمن

جرمني .. وانا ارتضي

بس لا تكون الحكم

كيف يحكم الظالم .. المنظلم

كلنا شربنا من كاس الهوان

واحتسينا ذل الأمان

رحنا ندور حضن ..

نبكي لذاك وذاك ..

ونحكي الشجن …

بس يكفي يا حكم !

يكفي تباكي ..

كان أحمر مساك!

وليلك وهن ..

وذاك الخزي ..

كان حكمك ندم ..

بس تراك حاكمت بالألم

(مؤبد في دار المأتمة )

مو على نفسك

او على ظلمك

حتى على المدعي

والمرافع

وكل من كان في المحكمة

وبعد ما طعنت في الدستور

رجعت تبرر ..

وتبكي الظلم والجور..

وانا كنت معاك ( انقهر )!

احسب انك سحاب ( وانمطر )

احسب انك رحاب ويا شجر

اجلس فيه واحتمي جور العمر

اقطف فيه ورد وزهر

مكان يلمني .. يضمني ..

بليلي وحتى الفجر ..

و آآه يالفجر ..

أذكر سرااااب …

كونت عطشان .. من ظلمك يا زمان

ابي ارتوي من الفرح

شوي بس أملى الحرمان

كنت احسبها حديقه !!

مليانه بالمرح ..

ما عدت فتره من الزمن

ضاعت معالمها

كنها رماد بعد الحريقه

واتغطت بكفن !!

رحت ادور … اي طريقه

يمكن ألقى لي سكن

بس ما لقيييييت

وااااه كان غالي الثمن !

ما غفت عيني ..

و ألقاك يازمن من جديد … قاضي

اعتقدت انك بتعفو .. او حتى تحن

وأثاريك علي تحكتم …

وتزببد في الحكم ..

غير القدح .. وطعنك في الذمم

لازم اقول راضي

واقضي بسكوت حكمي

وان حكى دمعي

ما راح ينسمع

وهذا الحكم

ظالم .. يامر بالحكم

ومظلوم .. راضي به حكم

 إسكت يا وداااع !!

لا تِشَمِّت علي دموعي

كنك ماشفت لحظات الفراق !!

اشلون زادت إوجوعي

أشكيك منك .. وفيك

و الأمل مدبوح

والرجا مجروح

استحى قلبي .. واكتفى

ذل الفراق .. ودمعة غلى تشتاق!

تشتاق لكفوف الوله …

آآه يالاشتياق

كلمة كل حروفها احتراق

الودااااااااااااااااااع يا ودااع !!

وش بقى .. بعد ملفاه ؟!

بجمد قلبي .. وحبي

ولييييييييييين لحظات اللقا

أنا في ( ضياع )

حيرة .. غيرة .. حرقة .. وئام

دموع .. خضوع .. غصّات

اصرخ .. أدمع .. أمسك الأعلام

أنهض .. قم .. إنها الثورات

أصدح .. ردد .. فليسقط النظام

قلد .. جدد .. أكمل المسيرات

قل كفى .. وبدد الأوهام

إحتدم .. إلتحم .. إنها الحريات

مهلا … مهلا !!

من سيحكم ؟؟ .. لا يهم .. أعلااااااااام

هناك تطفل .. استغلال .. متاهات

” فليسقط النظاااااااااااااااام “

مهلا …… مهلا

هل رأيت .. وارتويت .. من قصة الخيام

هناك الضياع .. ودااع … أطفال جياع

أرأيتهم .. أحلامهم تبخرت .. أصبحت أوهام

تتذمر أنك استعدبت !! .. منذ متى ؟! .. ثلاثين !!

ألا تخجل أيها المقداام…

أين أنت منهم … أقبلو الستيين

وقلوبهم محتله .. ما زالوا .. يطرحو الأحلام

طرقاتهم أنفاق … ياللنفاق !! .. تمشي على رجليين !!

على سكك ممهدة .. وتردد كما الأغنام ..

” فليسقط النظااااام “

لما لا تثر .. مجدك .. عزك .. أرض   كنعاااااااااااان ……………… يتبع

I don’t know how  should I start  with

but .. It’s already started inside me

pain !! … with no train .. for patience

and gain .. that feeling .. of losing  .. regret with crying

and the most painful .. hearing that condolence

and questions burning inside me … is it really going to miss him ?!

his smile .. the hand holding me when I cry

no words can describe  .. What I feel deep inside

I just left my tears to speak .. to draw

how .. when ? .. and why ?

……….

أيا دنيا تعودتي

بزرع الجرح في صدري

كتمتي فرحي ( لا هنتي )

وهذا الفرح( أنفاسي!!)

كيف أنبِت لك اجروحِك ؟!

وأصير اغضون لأتراحي

صحيح إني أساقيها

دموعي اللي اسْكِنَت  تُربِك

ترابك ممتلي بشوكك

تموتني كل ما أحييها

وكيف أنْبِتْكِ  يا دنيا !!

تِعبْتك وانتي ما تعبتي

كإن لهْفِك تِعاديني

فِديت اللهفه يا دنيا

أحس إنك تِحِني لي

حنانِك قسوة  تِأذيني

خضوعي لِك معنيني

اروح لويييين يا دنيا

وكل همك تِعننيني

تِذِكْرِيني وانا صغِّير

يوم كانو يمُّنوني

اش حلمك تبيه يصير

وانا مسكين متأمل

اصير طيّار .. طبيب اكبير

اعيش الحب .. اعيش للورد

ووقت الدمع ( أكيد اقصير )

………….

…

.

أقول أوهام يا دنيا !!

مجرد أحلام تِشقيني

تمنيني نمنييني

وخذلانك بلا تقصير

وداعاّ زيف أيامي

أَقَاضِي اليوم بالتحرير !!

ما أبي أسمع أعذارك .. لجل أعذرك !!

كثير المعاذير يالغالي .. تجرح الصبر

يكفني سؤالك .. آخذ أخبارك .. قبل ترحالك !!

لا تبرر .. لا تفسر .. والله الخطا يقهر

لا تزيد القهر .. قهر … كافيني شماتة عذالك

ابتسم .. وروح … وخلي الجرح يلتألم

لا تفتح الجرح المُغَر بأقوالـ ن تطرالك …

أنا … كنت … رحت …. ما تنفهم

دامك غبت بسكوت … اهمس لي وصالك

أحبك … ايه نعم أحبك …. بس للعلم

أنا لي صبر .. وصبري بيندالك

بس لا تهين صبري .. الكرامه ساس القيم

أبا أعذرك يالغلى لأني أحبك …

ما ني مثل أنذالك

أنا الوفي … صاحب الطبع المحتدم

ولا تهون عشرتك ….. ولا يهون اوصالك